Tơbleăng ăm hlo, maluâ châ kơlo tâk GRDP 7,47; kơxô̆ liăn châ xo ing roê ‘mot tơmeăm tung tơnêi têa kơdroh lối 20% tâng vâ pơchông ƀă khế kố hơnăm nah, tâi tâng kơlo tơmeăm tê ‘ngré ƀă kơxô̆ liăn châ xo tâk, la tá hâi châ tiô hlá mơ-éa chêh tâk. Hên “tíu kreăng” pơtối tá hâi châ lêi môi tiah tơdroăng ki tơleăng mâu tơdroăng tơkêa bro kơxô̆ liăn ‘no ing ê ối hrá, malối cho tung kơvâ on tơhrik ‘mâi pro; ‘no liăn pêi cheăng tơdjuôm bu nếo châ lối 5%; kơxô̆ khu mơdró kâ pơtê cheăng tâk lối 11%.

Tơpui a rôh hôp, pôa Hồ Văn Mười, Kăn hnê ngăn Vi ƀan kong pơlê Lâm Đồng tối nhên tơdroăng tơrŭm tá hâi hlo tơƀrê pơla mâu kơ koan, ối ai tơdroăng ki tơpôu ăm dêi rơpó hồ sơ chêh pro ối pá ăm khu mơdró kâ. Kong pơlê pơkâ thế mâu khu râ, kơvâ cheăng, kong pơlê mơdêk hnoăng cheăng pôu râng cho ngế ki ối a ko, mơdêk rơdêi pơhlêh chêh pro hlá mơ-éa, pơhlêh kơxô̆, tơleăng klêi mâu tơdroăng ki ối tơvâ tơvân ăm lối 300 tơdroăng tá hâi pro klêi.