Xông tơpui mơgêi, Kăn xiâm pơkuâ hnê ngăn Đảng, Kăn xiâm hnê ngăn tơnêi têa tối nhên, tơdroăng khăm pơlât tơdroăng châi ƀă pơkeăng rêi nhâ hlá loăng vâi krâ nah dêi tơnêi têa ôh tá xê to tơmiât la ngiâ pơlât tơdroăng châi tamo châi mê ối nhuô̆m dưỡng sinh, điều hoa khí huyết, tơdâng âm dương ƀă mơdêk ivá ki chiâng vêh prêi lĕm xêh dêi châ.

Kố cho pêi pro achê ƀă troăng khăm pơlât ƀă pơkeăng rêi nhâ hlá loăng rơxông nếo, xo kuăn mơngế pro ki xiâm tung rak ngăn ivá. Kăn xiâm pơkuâ hnê ngăn Đảng, Kăn xiâm hnê ngăn tơnêi têa pơkâ thế kơvâ khăm pơlât kal ai troăng tơmiât nếo, troăng tơmiât la ngiâ nếo ƀă troăng achê nếo tung mơnhông khăm pơlât tơdroăng châi ƀă pơkeăng rêi nhâ hlá loăng; rak tơdroăng ki rơkê khăm pơlât tơdroăng châi ƀă pơkeăng rêi nhâ hlá loăng hdroâng mơngế tung xiâm rêi khoa hok - kŏng ngê̆ rơxông nếo.

Tơdrêng amê, kal pơkâ mơnhông tơdroăng khăm pơlât tiô khôi vâi krâ nah tâi tâng troăng pêi cheăng ton xŏn mơnhông tơnêi têa, ƀă troăng pêi cheăng ton xŏn mơnhông kuăn mơngế Việt Nam, rak ngăn ivá kuăn pơlê, kŏng ngê̆ sinh hok, kơmăi kơmok pơkeăng ƀă cheăng kâ ivá tơnêi têa.