A rôh trâm mâ, Kăn xiâm pơkuâ hnê ngăn Đảng, Kăn xiâm hnê ngăn tơnêi têa tối Việt Nam khê̆n kơdeăn hnoăng cheăng veăng ‘no dêi Ấn Độ ƀă tơdroăng hơniâp lĕm, tơniăn ƀă mơnhông dêi kơpong; đi đo ngăn Ấn Độ cho môi tung mâu khu tơrŭm cheăng ki kal má môi, môi tuăn ƀă Ấn Độ pơ tối rak vế pêi pro hnoăng ki kân tâ a kơpong ƀă lâp plâi tơnêi.

Kăn xiâm pơkuâ hnê ngăn Đảng, Kăn xiâm hnê ngăn tơnêi têa tối nhên Việt Nam Ấn Độ ai tơdroăng tơrŭm cheăng hmâ ing ton nah, loi nhoăn dêi rơpó ‘na kal kí; tơdroăng péa pâ vâ môi tuăn mơdêk tơrŭm cheăng tung tung tơdroăng Mơdêk ai pơxúa ki kal kum ‘mâi mơnhông tuăn loi kal kí ƀă po rôh tơrŭm trâu rơdâ tâ tung hên kơvâ cheăng, pâ thế péa pâ pơtối mơdêk tâ nếo o hôp tơpui tơrá mâu kăn ƀă rêm râ, mơdêk tơrŭm tê mơdró, ‘no liăn cheăng, po rơdâ tơrŭm cheăng khoa hok, kŏng ngê̆; mơdêk tơdjêp, trâm mâ pơla kuăn pơlê péa tơnêi têa.