Kuô̆k hô̆i hiăng tơbleăng Hlá mơ-éa chêh tơdroăng pơkâ ‘mâi rơnêu, tơ’nôm mâu tơdrtoăng dêi Luât hơnăm 2013, hlối ‘mâi hơ’lêh hên tơdroăng ki kal tơdjâk troh tơkŭm mâu kăn dêi tơnêi têa. Mâu hlá mơ-éa chêh tro luât vâ tối châ chêh teăm, chêh tiô tơdroăng cheăng nếo rôh apoăng hâi hlo ai tơdroăng klâi ki tơvâ kân. Kăn xiâm pơkuâ hnê ngăn Đảng, Kăn xiâm hnê ngăn tơnêi têa tối nhên kal pơtối pê klêi luât tiô troăng hơlâ pêi tơdâng, ton hơnăn, tah tơdroăng pơkâ ki lơ bú pơtân.

Pakĭng mê, thế séa ngăn tơdroăng mâu kăn a kong pơlê, malối a cheăm bêng klêi tơ’mot tơdjuôm, vâ teăm tah ki xơpá ‘na ‘mot mơngế pêi cheăng ton hơnăm, ivá cheăng dêi kăn ƀô̆ tơdroăng vâ rak tơniăn ƀă mơnhên hnoăng, ví tơdroăng ki xoăng hnoăng, xoăng râ la ôh tá ai mơngế pêi cheăng.