Mâu kăn teăng mâ môi tuăn mơnhên tơdroăng mơjiâng Đảng, khu pêi cheăng ƀă kăn ƀô̆ tung hneăng nếo ai kơnâ pơkâ ƀă ivá pơkuâ, ivá râng hnoăng ƀă châ tơƀrê tơdroăng pêi cheăng dêi khu cheăng kal kí. Mơgêi a hâi pêi cheăng, Kăn xiâm pơkuâ hnê ngăn Đảng, Kăn xiâm hnê ngăn tơnêi têa tối rơdêi 7 hnoăng cheăng ki xiâm kal tơkŭm pêi pro, ƀă pơkâ mơjiâng Đảng ôh tá xê to krúa lĕm, krá tơniăn mê ối khên tơnôu, tuăn ngôa rơkê, loi tơngah ƀă ivá pơkuâ tơnêi têa tung chal nếo.

Ki rơhêng vâ tối, kal pơhlêh nếo ó rơdêi troăng pơkuâ dêi Đảng, tơkâ luâ pá puât tung ivá khu cheăng pêi pro a hên râ, kơvâ ƀă cheăm, bêng. Rêm hnoăng cheăng thế châ pêi pro ƀă mâu tơdroăng châ tơƀrê; pơcháu tơdroăng cheăng ƀă pơcháu hnoăng, mơnhên hnoăng cheăng ƀă kheăn kơdeăn ƀă hôu kheăn.