Tung rôh pôu râ tơnêi têa troh Kŏng hòa Philippines, hâi 1/6, klêi kơ’nâi veăng ai mâ a rôh Leh tơdah tiô râ Tơnêi têa a Tíu pêi cheăng Malacanang, pơlê kong xiâm Manila, pôa Tô Lâm, Kăn xiâm pơkuâ hnê ngăn cheăng Đảng, Kăn xiâm hnê ngăn tơnêi têa tơpui tơno ƀă pôa Ferdinand Marcos Jr.

A rôh tơpui, péa Ngế kăn xiâm pơkuâ môi tuăn Tối tơbleăng tơdjuôm mơdêk tơrŭm tơrŭm cheăng Việt Nam – Philippines tâk troh Tơnêi têa tơrŭm cheăng tung la ngiâ Thăm mơnhông, po troăng chal nếo mơnhông nếo ăm tơrŭm cheăng pơla péa pâ. Ƀă tơdroăng ki mơdêk tơrŭm cheăng tâk troh Tơnêi têa tơrŭm cheăng Tung la ngiâ thăm mơdêk, péa pâ môi tuăn tơrŭm rơtế mơjiâng Tơdroăng pêi pro tơbleăng rôh tơrŭm cheăng nếo tung la ngiâ.

‘Na mâu tơdroăng tung kơpong ƀă a kong têa ê, péa ngế kăn xiâm hnê ngăn tối rơdêi kô pơtối tơrŭm krá tơniăn, tŏng gum dêi pó a mâu rôh hôp hên kơvâ, malối cho Khu lâp kong têa ƀă ASEAN. Péa Ngế xiâm hnê ngăn môi tuăn mơdêk mâu Khu xiâm, kơvâ cheăng ƀă kong pơlê péa tơnêi têa tơrŭm krá tơniăn, tơbleăng pêi tơƀrê mâu tơkêa hiăng tơpui châ rơhéa pơla Kăn pơkuâ péa tơnêi têa, veăng gum mơdêk tơrŭm cheăng tơnêi têa tơrŭm tung la ngiâ Thăm mơnhông Việt Nam – Philippines mot tung hneăng mơnhông nếo.