Kơxo hâi lơ 4/6, a Hngêi Hôp kân Tơnêi têa (Hà Nội) Hneăng hôp má 14 Kŏng đoân Việt Nam hneăng 2026-2031 kô po hôp kân veăng hôp  ai pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa ƀă hên mâu kăn xiâm, Kăn pơkuâ hnê ngăn Đảng hneăng hdrối, Tơnêi têa, ƀă troăng pơkâ “ Tơ rŭm - Môi tuăn- Rak tro luât - Hơ’lêh nếo - Mơnhông tơƀrê”.

Hneăng hôp tơkŭm tâ tối mơgêi tơdroăng Pơkâ hneăng hôp má 13 Kŏng đoân Việt Nam pơla hơnăm 2023-2026; Tăng ngăn tơdroăng cheăng pêi dêi Kăn xiâm Liên đoàn Lao động Việt Nam hneăng 13; ‘nâi nhên pơkâ, tơdroăng cheăng pêi ƀă mâu tơdroăng pêi tơƀrê ăm hneăng ki nếo. Tơbleăng hnê mơhno, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa tối nhên giap cấp công nhân đi đo cho mâu ki djâ troăng ahdrối dêi kăch măng Việt Nam, cho mâu ki pêi lo tơmeăm mơjiâng ‘na mơnhông cheăng kâ tơnêi têa.

Pakĭng mê, pơkâ thế tơkŭm po Kŏng đoân hơ’lêh nếo rĕng tâ, trâu rơdâ tâ ƀă khât tâ;  tơkŭm pêi 6 tơdroăng ki kal, mơjiâng giai cấp kŏng nhân rơkê kơhnâ tiô túa nếo, rơdêi, mơdêk rơkê plĕng tơdroăng cheăng pêi, ‘nâi rơkê cheăng ƀă kơxô̆ ƀă hlối hmâ ƀă mơngế pêi cheăng tung pơla mơnhông mơdêk nếo.