Pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa veăng hâi leh, diâp mơ-éa mơnhên, reăng ƀă kơxuô tơmeăm diâp 34 đảng viên mơngế krâ rơkê plĕng. Xông tơpui a hâi leh, Kăn xiâm pơkuâ hnê ngăn Đảng, Kăn xiâm hnê ngăn tơnêi têa mơnhên kố cho tơdroăng ki mơnhên dêi Đảng ƀă tơdroăng mơ-eăm, tah dêi tơdroăng krê tơnha ƀă pleăng hnoăng cheăng dêi mâu đảng viên; tơdrêng amê tối rơdêi mơngế đảng viên kŏng san thế rêh ối ai ihiâm mơno, pôu râng hnoăng cheăng ƀă Đảng, Tơnêi têa ƀă Kuăn pơlê.

Roh kố, Đảng ƀô̆ Hà Nội ai lối 8.500 đảng viên châ tơdah Hiu hiê̆u Đảng, tung mê hên ngế châ Hiu hiê̆u sap ing 70 hơnăm Đảng tơngi klêng. Kăn xiâm pơkuâ hnê ngăn Đảng, Kăn xiâm hnê ngăn tơnêi têa tối nhên, kố cho tơdroăng ki hâk rơngăm kân dêi Đảng ƀô̆ Pơlê kong xiâm, tơdrêng amê xuân pơkâ hnoăng cheăng rế hía rế kân tung mơjiâng Đảng ƀă mơnhông tơnêi têa.