Pôa Tô Lâm, Kăn xiâm pơkuâ hnê ngăn Đảng ăm ‘nâi, tiô tơdroăng lăm pêi cheăng, Khu lăm séa ngăn kơxô̆ 10 pêi cheăng ƀă Khu kăn pơkuâ hnê ngăn Đảng Pơlê kong kân Hà Nội ‘na 3 tơdroăng: ing tối tơbleăng mâu tơdroăng hiăng klêi séa ngăn, tí tăng ngăn rôh má 1 ‘na tơdroăng kăn hnê ngăn, hnê mơhno pêi pro, tơbleăng pêi pro tơdroăng Pơkâ hneăng hôp má 14 dêi Đảng, Pơkâ hneăng hôp Đảng ƀô̆ pơlê kong kân, malối cho mâu tơdroăng cheăng pêi dêi hneăng; tơdroăng rah xo Kăn Kuô̆k hô̆i hneăng 16 ƀă Hô̆i đong kuăn pơlê rêm râ hneăng hơnăm 2026-2031; tối rôh apoăng pêi tơdroăng pơkâ tâk péa kơxô̆, pêi cheăng tiô tơdroăng mâu kăn kong pơlê péa râ ƀă tơbleăng Pơkâ 57 ‘na pêi tơƀrê mơnhông khoa hok, kŏng ngê̆, hơ’lêh nếo hriăn plĕng ki nếo.

Kăn xiâm pơkuâ hnê ngăn Đảng tối nhên, a hneăng hôp mơgêi rôh má 1; hlối hnê pêi pro tối mơgêi dêi Khu xiâm kal kí ‘na tơdroăng tối tơdjuôm tơdroăng séa ngăn rôh má 1 tung lâp tơnêi têa ƀă mâu tơdroăng cheăng kal tơkŭm hnê mơhno, tơbleăng pêi tung hơnăm la ngiâ; ing mê ‘mâi hơ’lêh pơkâ séa ngăn, tăng ngăn rôh má 2.