Kăn xiâm pơkuâ hnê ngăn Đảng tối nhên, ing tơdroăng mơgêi, pơtối rak mâu tơdroăng ki tơtro dêi Pơkâ ƀă pơkâ hdrối nah; pơtối tăng ‘nâi plĕng tơ’nôm mâu tơdroăng ki nếo, tơdroăng kal nếo, pơkâ nếo ăm tơtro ƀă tơdroăng ki ai khât. Thế pơkâ tơdroăng séa ngăn, tăng ngăn ƀă pêi tro luât Đảng tung tâi tâng tơdroăng cheăng Đảng, mơdêk rak ngăn tơnêi têa ƀă pêi mâu pơkâ mơnhông tơnêi têa pơkâ a rôh hôp má 14 dêi Đảng.

  Tí tăng ngăn, hlối cho troăng pơkuâ ki kal dêi Đảng hlối cho luât pơkâ vâ Đảng ‘mâi rơnêu, kring vế, pê klêi dêi, mơdêk tơƀrê; tro luât; cho xiâm pro tơniăn troăng hơlâ ki tro dêi Đảng châ pêi pro kơtăng ƀă tơƀrê tung pêi pro. ‘Na tơdroăng ki kal nhên dêi Pơkâ, Kăn xiâm pơkuâ hnê ngăn Đảng pơkâ thế, pơ’lêh rơdêi tơdroăng séa ngăn, tăng ngăn chiâng pơkâ hbrâ rơnáu ing hdrối, ing hơngế; tăng ngăn hnoăng pơkuâ tơdrêng tung pơkuâ ngăn; châ ‘nâi ki tơ’lêi tung tơdroăng pro xôi. Po rơdâ séa ngăn, tơniăn tâi tâng mâu troăng hơlâ, luât dêi Đảng châ tơkŭm pêi kơtăng, tơƀrê.