A rôh pêi cheăng, Kăn xiâm pơkuâ hnê ngăn Đảng tối nhên 6 troăng hơlâ ki kân, pơkâ thế mơnhên tro mâ ngăn, pơkâ mâu tơdroăng râ ton nah ƀă tuăn tơmiât mơnhông ton hơnăm. Pơkâ thế chiâng hlá mơ-éa kơchuâ hdró tâi tâng ăm túa ki tâk 2 kơxô̆ dêi Việt Nam troh hơnăm 2045 mơhno ki mơ-eăm ƀă rah xo ai tro tiô tơdroăng ton nah vâ pêi klêi tơdroăng púi vâ mơnhông tơnêi têa.

Tâk thế tơniăn, lĕm, tá tơdroăng pêi lĕm ƀă pơkuâ dêi. Vâ ai tiô pơkâ rĕng ƀă krá ton, kal tơmâng hơ’lêh tuăn tơmiât mơnhông tung khu cheăng kal kí ƀă pơlê pơla; ngăn mê ôh ti xê to pơkâ cheăng kâ mê ối cho hnoăng pêi pro xiâm ‘na kal kí, pêi tơdrêng; tah tuăn tơmiât tơniăn, tuăn tơmiât hneăng pơkuâ, túa pêi cheăng tung mâu kăn; pơtối rak tuăn khên tơnôu khên tơmiêt, khên pêi pro, khên pôu râng dêi hnoăng cheăng; pêi pro tơdrêng, xing xoăng nhên hnoăng cheăng pêi, tơrŭm krá pơla Tíu xiâm, kong pơlê ƀă khu mơdró; xo khoa hok kong ngê̆, hơ’lêh nếo hriăn plĕng ki nếo, hơ’leh kơxô̆ pro xiâm dêi túa pêi cheăng tâk ki nếo.