A rôh tơdah, pôa Tô Lâm tối nhên ki kal má môi dêi on tơhrik ƀă tơdroăng pơkâ mơnhông tơƀrê dêi Việt Nam, pâ thế GE Vernova pơtối rak vế tơmeăm khoăng ƀă ki rơkê pêi cheăng, mơdêk tơrŭm trâu rơdâ tâ nếo ƀă Việt Nam tung mâu kơvâ cheăng mơjiâng tơmeăm khoăng, kŏng ngê̆ ƀă ‘na mơngế pêi cheăng rơkê ‘na on tơhrik, têa châu, ƀă khu tơrŭm cheăng ki kal dêi Việt Nam tung tơdroăng tơbleăng pêi Pơkâ kơxô̆ 70 dêi Khu xiâm Kal kí ‘na pro tơnuăn on tơhrik tơnêi têa troh hơnăm 2030, mâ ngăn mâu tơdroăng vâ pêi troh hơnăm 2045.

Pôa Scott Strazik, Kăn xiâm hnê ngăn Grup GE Vernova tối nhên, grup kố đi đi vâ pro kông tơdjêp pơla khu mơdró ƀă mâu kăn dêi péa kong têa, rơtế ƀă Việt Nam ôh ti xê to pơkâ tơniăn ‘na on tơhrik, mê tá tung pơla tơbleăng pêi mâu pơkâ mơnhông cheăng kâ - rêh ối dêi Việt Nam.