Pôa Tô Lâm, Kăn xiâm pơkuâ hnê ngăn Đảng hâk mơnê mâu kăn xiâm Đảng kŏng san Pơhlăng lăm pôu Việt Nam, veăng ‘no hnoăng nhoăm kal kí, tơrŭm krá tâ nếo tơdroăng cheăng tiah hmâ ki hiăng ton to lâi hơnăm péa Đảng xua vâ pro pơxúa ăm kuăn pơlê péa tơnêi têa, veăng ‘no hnoăng hơniâp lĕm, rơkê plĕng ƀă mơnhông tung kơpong ƀă lâp plâi tơnêi. 

Pôa Tô Lâm, Kăn xiâm pơkuâ hnê ngăn Đảng tơdah khu kăn xiâm Đảng khĕn kơdeăn Đảng kŏng sản Pơhlăng vâ mơdêk a ‘ngêi tâ hnoăng cheăng dêi Đảng, veăng ‘no hnoăng tơmâng tơplâ tăng troăng pro hơniâp lĕm, tơniăn, kuăn pơlê môi tuăn dêi pó ƀă pơlê pơla rơkê plĕng a Pơhlăng, châu Âu ƀă lâp plâi tơnêi.

Pôa Tô Lâm tối tơdroăng ‘na hnoăng cheăng pêi dêi Việt Nam ki pêi châ rơhéa tung vâ chê 40 hơnăm pơ’lêh nếo ing hnoăng pơkuâ dêi Đảng Kŏng san Việt Nam. Pôa Tô Lâm, kăn xiâm pơkuâ hnê ngăn Đảng pơkâ péa Đảng pơtói mơdêk tơrŭm krá tơdroăng cheăng nôkố, tung mê, ai rôh tơ’lêi Hôp tơpui tơno vâ tối mâu tơdroăng ƀă túa pêi cheăng kum mơdêk ivá cheăng dêi rêm râ Đảng dêi tơrêm tơnêi têa.