Tơpui hnê mơhno a leh tơbâ, pôa Tô Lâm, Kăn xiâm pơkuâ hnê ngăn Đảng khĕn kơdeăn ƀă rơkâu mâu tơdroăng ki hiăng pêi pro tơƀrê ki mâu rơxông kăn pơkuâ, kong chưk, viên chưk ƀă ngế pêi cheăng dêi Khu tơpui kâ Tơnêi têa hiăng krá tơniăn, mơ-eăm pêi châ tơƀrê tung plâ 75 hơnăm hdrối. Tơdrêng amê hlối tối nhên, lâp plâi tơnêi dế tung chal ki pơhlêh tiô chal nôkố rơkê, tơdroăng gâk kring lâp plâi tơnêi rế hía rế hơkăng, ôh tá tơniăn.

Kăn xiâm pơkuâ hnê ngăn Đảng tối troh 5 tơdroăng vâ Khu tơpui kâ Tơnêi têa tơkŭm tơbleăng pêi pro tung la ngiâ, tung mê athế pêi pro tro hnoăng cheăng tí tăng ‘nâi plĕng troăng hơlâ tơpui kâ dêi Đảng tung hneăng ki nếo, veăng gum pêi pro ƀlêi chiâng mâu tơdroăng pơkâ pêi tung la ngiâ 100 hơnăm xua tơdroăng pơkuâ dêi Đảng, 100 hơnăm mơjiâng tơnêi têa Việt Nam Yân chuh kŏng hòa, nôkố cho Kŏng hòa xah hô̆i chuh ngiah Việt Nam.