VOV4.Xơ Đăng - Kơxê lơ  18/8, a Hà Nội, Đại tướng Tô Lâm, Ngế cheăng tung khu xiâm kal kí, Ngế xiâm Kŏng an hiăng ai rôh  trâm mâ pôa Sugi Ryotaro, cho Kăn teăng mâ ki kal dêi Nhuk - Việt Nam, Việt Nam - Nhuk hneăng hdrối. A roh tơdah pôa Sugi Ryotaro, cho kăn teăng mâ Nhuk- Việt Nam/Việt Nam Nhuk hneăng hdrối, pôa Tô Lâm tối nhên Khu xiâm Kŏng an púi vâ mơdêk tơkŭm po hên tơdroăng cheăng ai pơxúa vâ tơbâ tơdroăng ki kal mê ing tơdroăng tơpui tơno pơla mâu kăn rêm râ, mơdêk tơrŭm cheăng, hnê tối ăm dêi rơpó tơdroăng tơplâ mơdât  mâu ki ai xôi, hnê mâu kăn ƀô̆, khu tơrŭm cheăng ăm mâu khu xiâm kŏng an Việt Nam - Kan sát Nhuk lăm pôu, trâm tơpui tơno mơhno túa lĕm tro.

Pôa Tô Lâm púi vâ, ƀă tơdroăng tơrŭm trâu khât, ai tơdjâk kân tung tơdroăng cheăng dêi Nhuk pôa Sugi Ryotaro, ƀă kăn teăng mâ pơtối tơmâng khât, mơdêk Chin phuh, mâu khu xiâm kơvâ cheăng peăng Nhuk mơdêk tơrŭm cheăng , veăng  tŏng kum ăm Việt Nam.

Gương tơplôu ƀă tơbleăng