VOV4.Xơ Đăng - Kơxê lơ 22/8, Khu kăn xiâm Việt Nam xua Đăi tươ̆ng Tô Lâm, Ngế cheăng tung Khu xiâm kal kí, Ngế xiâm Kŏng an pro Ngế xiâm pơkuâ khu râ kăn veăng hôp hnê tối ăm mâu kăn xiâm ngăn ‘na kring tơniăn Khu mâu kong têa Đông Nam Á (ASEAN) - Rusi rôh má péa po tiô tơdroăng mơ’no tiô troăng hyôh Internet. Klêi hneăng hôp apoăng, Ngế pơkuâ khu râ kăn mâu kong têa hiăng tơpui tơno ‘na tơdroăng tơniăn a châu Á - Thái Bình Dương, tá luât pơkâ séa ngăn trếo pơtôu ƀă ôh tá ăm pro trếo pơtôu, ki tơdjâk trếo pơtôu troh ƀă tơdroăng ôh tá tơniăn tung kơpong; tơdroăng kring tơniăn, tơdroăng kal kí a kơpong châu Á- Thái Bình Dương tung pơla rế hên tơdroăng hơkăng pơla mâu kong têa tung lâp plâi tơnêi.

Hneăng hôp tơpui tơno to khu râ kăn xiâm ASEAN - Rusi

Vâ mơdêk tơrŭm cheăng pơla Rusi ƀă ASEAN tung la ngiâ, pôa Tô Lâm pơkâ thế, Rusi mơ-eăm pêi mâu tơdroăng xua ASEAN pơkuâ, môi tuăn ƀă hnoăng cheăng xiâm ƀă mơ-eăm dêi ASEAN mơdêk tơpui tơno, tơrŭm cheăng ƀă hbrâ ví mâu pơloăng mơnúa nếo ai, tung mê, ai tơdroăng kring tơniăn, pro tơniăn a troăng têa kơxĭ ƀă troăng tơ-ƀai a tung kơpong ƀă hía hé.

Gương tơplôu ƀă tơbleăng