Klêi kơ’nâi hmâng kăn pơkuâ kong pơlê Dak Lak tối tơbleăng nhên ‘na tơdroăng ki pro ôh tá tơniăn tung pơlê pơla a kơxo má lơ 11/6 kố nah, pôa Tô Lâm tối nhên, tơdroăng ki pro ôh tá tơniăn rĕng châ tăng rup mâu khu ki ‘mêi. Kŏng an hiăng hnê mơnho mâu tíu pêi cheăng rĕng tăng rup mâu ngế ki bro ‘mêi, tơdrêng a mê hlối poê kơdroh khu rak vế tơniăn tung pơlê pơla, tơniăn ăm kuăn pơlê.

Pôa Tô Lâm tối nhên, troh nôkố, tâi tâng mâu ngế ki veăng tung rôh pro ôh tá tơniăn hiăng tro rup, tơdroăng gâk kring a kong pơlê Dak Lak hiăng tơniăn, tơdroăng rêh ối dêi kuăn pơlê hlo tơniăn tiah hmâ. Ngế xiâm ngăn Kŏng an pơkâ thế kong pơlê Dak Lak tung la ngiâ ah pôi tá tơngôu, ôh tá vâ hmâng ‘na tơdroăng gak kring tơnêi têa sap ing kong pơlê troh cheăm, tơring. Pakĭng mê, kal mơdêk hnoăng cheăng pôu râng dêi ngế ki pơkuâ. Tung rak vế tơniăn gâk kring tơnêi têa mâu kơpong tung la ngiâ, malối cho kơpong Tây Nguyên, kal mơdêk rơdêi, tơrŭm krá pơla hbrâ mơdât mâu ngế ki bro ôh tá tơniăn tung pơlê pơla ƀă hbrâ mơdât ƀă hnoăng cheăng.

A rôh leh, pôa Tô Lâm hiăng diâp ƀâng khĕn kơdeăn dêi Khu xiâm ngăn Kŏng an 5 ngế krê cho mâu  kuăn pơlê hiăng châ tơƀrê tung tơdroăng lâp plâi tơnêi rak vế gak kring Tơnêi têa, veăng kum rak vế tơniăn a kong pơlê.