Drêng veăng hôp tơpui tơdroăng Tung la ngiâ châu Á roh má 28 a Tokyo, pôa Trần Lưu Quang, Ngế pro xiâm phŏ hnê ngăn tơnêi têa trâm mâ pôa Yamaguchi Natsuo, Kăn xiâm hnê ngăn Đảng Công Minh (Khu tơrŭm pơkuâ).  Ngế pro xiâm phŏ hnê ngăn tơnêi têa vâ môi tuăn pâ thế dêi pôa Yamaguchi ‘na tơdroăng mơdêk trâm tơpui tơno pơla Đảng, Kuô̆k hô̆i pơla péa tơnêi têa, tung mê, mơdêk tơpui  tơno tơrá mâu kăn, malối cho mâu kăn kơdrâi, mâu kăn hơnăm ối nếo, mơdêk tơrŭm pơla péa tơnêi têa tung hên kơvâ cheăng; pâ thế Đảng Công Minh veăng môi tuăn mâu luât pơkâ pro tơ’lêi hlâu ăm mơngế Việt Nam mot rêh ối, pêi cheăng kâ a kong têa Nhuk.

Pôa Yamaguchi khĕn kơdeăn khât tơdoăng péa tơnêi têa ai hên tơdroăng trâm mâ mơhno túa lem tro, tung mê, ai Leh mơdĭng Việt Nam a kŏng viên Yoyogi, Tokyo ƀă veăng ai hrĭng rơpâu ngế, châ kuăn pơlê Nhuk tối tơdjuôm ƀă Tokyo tối krê, malối hâk vâ; tối vâ pơkuâ djâ khu kăn Kuô̆k hô̆i Đảng Công Minh lăm pôu Việt Nam  tung hơnăm 2023.