VOV4.Xơ Đăng - Drêng troh leh tơbâ 75 hơnăm Hâi mâu lêng rong râ - hlâ hía, hâi lơ 25/7, khu pêi cheăng dêi Kuô̆k hô̆i xua Thươ̆ng tưŏng Trần Quang Phương,  Kăn phŏ hnê ngăn Kuô̆k hô̆i pro xiâm pơkuâ djâ khu kăn hiăng lăm pôu, hbru tơmeăm ăm mâu rơpŏng hngêi ai hnoăng tơnêi tea, ai hnoăng ƀă căch măng a Lâm Đồng.

Thươ̆ng tươ̆ng Trần Quang Phương ƀă mâu kăn lăm pôu hbru tơmeăm ăm Thiếu thươ̆ng Phạm Văn Kha

A mâu tíu troh lăm pôu, pôa Trần Quang Phương hiăng kơ-êng ivá hôm mo lĕm, tơdroăng rêh ối dêi mâu kăn xiâm hnê ngăn hneăng hdrối, on veăng kuăn ‘nĕng mâu ngế ai hnoăng ƀă rơpŏng hngêi. Pakĭng mê, tối mơnê troh hnoăng veăng ‘no dêi mâu rơxông prôk hdrối tung tơdroăng mơjiâng ƀă kring vế tơnêi têa. Kăn xiâm phŏ hnê ngăn Kuô̆k hô̆i xuân pơtroh rơkong rơkâu ăm mâu vâi pú, kơdrâi kuăn ‘nĕng mâu ai hnoăng pơtối rêh ối hơniâp ro, ivá mo sêi, pơtối rak vế tơdroăng ki lĕm tro dêi kăch măng dêi rơpŏng hngêi, đi đo cho mâu ki djâ troăng lĕm ahdrối ăm mâu rơxông kơ’nâi kuăn cháu pêi pro ƀối.

Khu kăn Kuô̆k hô̆i ƀă mâu kăn kong pơlê Lâm Đồng pleăng reăng tơbâ kơ mâu ngế hlâ ai hnoăng a ilâng kiâ ‘mế mâu hlâ ai hnoăng a Đà Lạt

Hdrối mê, Thươ̆ng tươ̆ng Trần Quang Phương ƀă mâu kăn hiăng troh chôu nháng tơbâ kơ mâu ngế hlâ ai hnoăng a ilâng kiâ Đà Lạt. 

Gương tơplôu ƀă tơbleăng