Pôa Trần Sỹ Thanh lăm ngăn cheăng hbrâ rơnáu ăm rôh tâ phĭu a Dak Lak
Thứ ba, 05:00, 10/03/2026
Tơplôu: Katarina Nga/VOV Tây Nguyên
Tơplôu: Katarina Nga/VOV Tây Nguyên
VOV.Xơ Đăng - Kơxo lơ 9/3, Khu ki lăm ngăn, séa ngăn dêi Hô̆i đong Tâ phĭu tơnêi têa xua pôa Trần Sỹ Thanh, Ngế cheăng tung Khu xiâm kal kí, Kăn pơkuâ ngăn xiâm Đảng, Kăn hnê ngăn Vi ƀan Séa ngăn Tơnêi têa, Ngế cheăng tung Hô̆i đong Tâ phĭu tơnêi têa pro kăn pơkuâ djâ khu kăn kố hiăng lăm ngăn ki khât ƀă pêi cheăng ƀă Vi ƀan Tâ phĭu kong pơlê Dak Lak.
Khu ki pêi dêi hnoăng cheăng hiăng lăm ngăn a kơpong tâ phĭu kơxô̆ 38, tôh kơphô̆ 5 Tự An, bêng Buôn Ma Thuột, kong pơlê Dak Lak. Klêi kơ’nâi séa ngăn khât, khu kố hiăng pêi cheăng ƀă Vi ƀan tâ phĭu kong pơlê Dak Lak ‘na tơdroăng ki hbrâ rôh tâ phĭu a kong pơlê. Tơpui a rôh pêi cheăng, pôa Trần Sỹ Thanh tơmâng xo ƀă mơnhên tối khât hiâm mơno hbrâ rơnáu, pôu râng dêi kong pơlê Dak Lak tung cheăng pơkuâ, hnê mơhno tơbleăng pêi tâ phĭu.
Xua kong pơlê kân rơdâ, hên kơpong hngế hngo ƀă kơdrâm kuăn pơlê hdroâng kuăn ngo, kong pơlê pôi tá tơngôu. Dak Lak kal thăm mơnhông ‘nâi nhên tơdroăng a pơlê cheăm, rak tơniăn a mâu kơpong ki tâ phĭu; hbrâ rơnáu mâu tơmeăm khoăng, xing xoăng khu hnê mơhno kuăn pơlê pêi pro tro pơkâ.
Viết bình luận