Kố cho tơdroăng cheăng ai pơxúa khât vâ tơrŭm, hnê, tơbâ hnê ăm mâu rơxông ối nếo, hlối thăm vâ rế loi, mơ-eăm dêi mâu rơtăm hdrối vâ lăm pro lêng. Rôh kố, cheăm Đông Thạnh ai 120 ngế rơtăm tro hơnăm lăm pro lêng. Malối, cheăm ai 2 đảng viên hơnăm ối nếo ƀă 1 ngế kơdrâi hiăng pleăng tơná chêh hlá đơn vâ lăm pro lêng.

Pôa Nguyễn Mậu Phương Quỳnh Teăng mâ Hô̆i đong ngăn hnoăng cheăng rah pro lêng cheăm, Kăn hnê ngăn Vi ƀan kuăn pơlê cheăm Đông Thạnh rơkâu mâu rơtăm ki tro lăm pro lêng dêi cheăm Đông Thạnh lăm pro lêng ƀă hiâm mơno ro, mơ-eăm ƀă púi vâ pơtối rak tơdroăng hmâ pê pro ing nah dêi pơlê, pơtối chêh tơdroăng ki lĕm dêi pâ ngoh; pê klêi hnoăng cheăng pơcháu dêi ngế lêng kăch măng.