VOV4.Xơ Đăng - Tung rôh lăm pôu Hàn Quốc dêi Khu kăn xiâm Đảng Kŏng sản Việt Nam, Ngế cheăng tung khu xiâm kal kí, Kăn hnê ngăn Đảng, pôa Võ Văn Thưởng ƀă mâu kăn hiăng ai rôh hôp tơpui ƀă pôa Han Duck-soo, Ngế pro xiâm hnê ngăn kong têa Hàn Quốc.

Pôa Han Duck-soo, Ngế pro xiâm hnê ngăn kong têa Hàn Quốc tơdah pôa Võ Văn Thưởng, Ngế pơkuâ hnê ngăn Đảng

Pôa Võ Văn Thưởng hiăng tối nhên mâu tơdroăng vâ mơdêk tơrŭm cheăng tung tơdroăng tơrŭm dêi péa tơnêi têa, tung mê, ai mơdêk tơpui tơno tơrá mâu kăn xiâm, mơnhông tơrŭm cheăng pơla péa Đảng Kŏng sản Việt Nam ƀă mâu luât pơkâ dêi Hàn Quốc, po rơdâ tơrŭm cheăng pơla mâu khu xiâm, kơvâ cheăng, kong pơlê, trâm tơpui tơno pơla kuăn pơlê, mơdêk ‘no liăn cheăng dêi mâu khu mơdró dêi Hàn Quốc a Việt Nam, tơmâng khât tơdroăng pơ’lêh cheăng ƀă kơmăi kơmok ƀă mơnhông pêi cheăng ƀă kơmăi, mơnhông tê mơdró pơla péa pâ tiô troăng rơhlâ tơdâng tơ’mô tơrŭm cheăng, tơmâng khât troh kuăn pơlê Việt Nam.

Gương tơplôu ƀă tơbleăng