Kơxo lơ 5/7, pôa Võ Văn Thưởng, Kăn xiâm hnê ngăn tơnêi têa pêi cheăng ƀă Khu xiâm pơkuâ Kŏng an, Hngêi tơleăng xiâm, Kơ koan xiâm hnê arak luât, Ƀơrô Kăn xiâm hnê ngăn tơnêi têa, Khu pơkuâ tơdroăng xiâm Tơnêi têa ƀă Vi ƀan hnê arak luât dêi Kuô̆k hô̆i vâ mơnhên tơdroăng pêi cheăng séa ngăn hô sơ mâu ngế xôi kân ƀă tơleăng tơdroăng xôi kơdê mơngế pro xôi kân tung pơla kố nah.

Tung pơla kố nah, mâu kơ koan ki tơdjâk a râ xiâm ƀă kong pơlê hiăng tơrŭm krá tơniăn, séa ngăn, mơnhên ngăn hô sơ mâu ngế xôi kân pêi pro tơdroăng kơdê mơngế xôi kân, pơkuâ kroăng phak ƀă pêi pro kơdê mâu ngế pro xôi kân tơniăn tiô pơkâ dêi luât. Laga, tơdroăng pêi kố xuân ối ai tơdroăng tá hâi tro, ối tơvâ tơvân, tá hâi tơxâng pơkâ nôkố pơkâ mơ’no.

Pôa Võ Văn Thưởng pơkâ, tung la ngiâ, mâu kơ koan kal pơtối pêi pro tŭm, kơtăng mâu hnoăng cheăng dêi tơná tiô tro luât; xing xoăng nhên hnoăng dêi rêm kơ koan; thăm tơrŭm; séa ngăn đi đo, pêi pro châ tơƀrê, tơniăn xêt khât luât châ mơdêk.

Kăn xiâm hnê ngăn tơnêi têa pơkâ thế, mâu kơ koan kal hriăn plĕng, pơkâ troăng ‘mâi rơnêu, tơ’nôm mâu pơkâ luât nôkố ‘na tơdroăng pơxâu phak kơdê mâu ngế pro xôi kân ƀă pêi pro kơdê mâu ngế pro xôi kân tơxâng pơkâ nôkố, tơbleăng kơ koan ai hnoăng séa ngăn, pơkâ.