Kơxê hâi lơ 3/7, a tíu pêi cheăng dêi Kăn xiâm hnê ngăn tơnêi têa, pôa Giorgio Aliberti, Ngế xiâm pơkuâ djâ khu kăn dêi Khu tơrŭm châu Âu a Việt Nam koh pơlâng hiăng tâi hneăng pêi cheăng. Kăn xiâm hnê ngăn tơnêi têa rơkâu kăn teăng mâ hiăng pê klêi hnoăng cheăng a Việt Nam, veăng ‘no hnoăng pro trâu rơdâ tơ’nôm ‘na tơrŭm cheăng ƀă tŭm mâu tơdroăng cheăng ki ê pơla Việt Nam - EU.

 Kăn xiâm hnê ngăn tơnêi têa loi, a hnoăng cheăng ki nếo, Kăn teăng mê kô pơtối ‘no hnoăng tơná tung tơdroăng cheăng mơdêk tơrŭm tơniăn lĕm pơla Việt Nam ƀă EU. Kăn xiâm hnê ngăn tơnêi têa khĕn kơdeăn hnoăng cheăng dêi Kăn teăng mâ EU tung hneăng hdrối nah hiăng ai hên hnoăng veăng ‘no mơnhông tơrŭm cheăng pơla Việt Nam-EU;malối cho péa pâ hiăng kĭ tơkêa EVFTA ƀă mơdêk mâu ngế tung khu EU rĕng châ kĭ EVIPA.

Pôa Võ Văn Thưởng, Kăn xiâm hnê ngăn tơnêi têa phiu ro ăm ‘nâi, tung mâu rôh trâm mâ ƀă kăn xiâm mâu kong têa EU nếo achê kố, mâu kăn ăm ‘nâi, mâu khu mơdró  EU khĕn kơdeăn khât tơdroăng ‘no liăn cheăng a Việt Nam ƀă Việt Nam dế pơtối mơ-eăm ‘mâi mơnhông kơvâ cheăng ki mê.