Kơxê hâi lơ 14/6, a tíu pêi cheăng Kăn xiâm hnê ngăn tơnêi têa, pôa Võ Văn Thưởng, Kăn xiâm hnê ngăn tơnêi têa tơdah pôa Adama Bictogo kăn xiâm hnê ngăn Kuô̆k hô̆i Kŏng hoa Bờ Biển Ngà dế lăm pôu Việt Nam tiô rơkong krếo thế dêi pôa Vương Đình Huệ, Kăn xiâm hnê ngăn Kuô̆k hô̆i. A rôh tơdah, Kăn xiâm hnê ngăn tơnêi têa tối, Việt Nam ngăn mơnhông tơrŭm cheăng ƀă mâu kong têa Châu Phi, tung mê ai Bờ Biển Ngà châ tối cho môi tung mâu kong têa tơrŭm cheăng ki kal.

Péa pâ loi khât tơdroăng kĭ tơhrâ ƀă tơbleăng pêi mâu tơdroăng tung Hlá mơ-éa chôu pâ tơrŭm cheăng pơla péa Kuô̆k hô̆i kô veăng pro trâu rơdâ tâ  tơdroăng tơrŭm tung hên kơvâ cheăng pơla péa tơnêi têa tung la ngiâ. Péa ngế kăn xiâm vâ môi tuăn kal mơdêk tâ nếo tơrŭm cheăng tê mơdró tiô troăng krá tơniăn ƀă tơdâng tơ’mô pro tơ ‘lêi hlâu po rơdâ tê tơmeăm ăm kong têa dêi rơpó tung kơpong ASEAN ƀă châu Phi. Péa ngế kăn xiâm xuân tối kal thế pêi pro ahdrối mơdêk po rơdâ tơrŭm cheăng tung mâu kơvâ pêi chiâk deăng, ‘no liăn cheăng.