Kơxê lơ 04/6, a Tíu pêi cheăng Kăn xiâm hnê ngăn tơnêi têa, pôa Võ Văn Thưởng, Kăn xiâm hnê ngăn tơnêi têa hiăng tơdah Ngế pro xiâm hnê ngăn kong têa Australia lăm pôu pêi cheăng Việt Nam sap hâi lơ 3 – 4/6. A roh tơdah, péa kăn xiâm pơkuâ hiăng tối vâ môi tuăn hdrối mâu tơdroăng mơnhông mơdêk ó rơdêi dêi tơrŭm cheăng pơla péa tơnêi têa klêi kơ’nâi  50 hơnăm mơjiâng tơrŭm cheăng tơpui kâ, djâ ki pơxúa ăm kuăn pơlê péa tơnêi têa ƀă veăng kum hên ăm hơniâp lĕm, rak tơniăn dêi kơpong ƀă lâp plâi tơnêi; môi tuăn thăm tơrŭm tâ mê nếo loi tơngah kal kí pơla péa tơnêi têa, ngăn kố cho ki xiâm ăm tơdroăng mơnhông tơrŭm cheăng péa tơnêi to a râ ‘ngêi tâ tung la ngiâ.

Tơpui tơno ‘na mâu tơdroăng kơpong ƀă lâp plâi tơnêi, péa pâ môi tuăn pơtối tŏng kum dêi pó ƀă tơrŭm krá tơniăn a mâu hneăng hôp tơpui tơno kơpong ƀă lâp plâi tơnêi, ki má lối cho Khu lâp kong têa, APEC, ASEAN ƀă mâu troăng pơkâ pêi xua ASEAN pơkuâ djâ. Ngế pro xiâm hnê ngăn kong têa Australia vêh mơnhên troăng tơmiât pêi dêi Australia ‘na tŏng kum nhuô̆m luât lâp plâi tơnêi a kơpong ƀă tơleăng tơxup tơbriât a Biển Đông ƀă mâu troăng pêi mơjiâng hơniâp lĕm, tơtro ƀă luât lâp plâi tơnêi, ki rơhêng vâ tối cho UNCLOS 1982.