Kơxê lơ 21/4, a Tíu pêi cheăng Kăn xiâm hnê ngăn tơnêi têa, pôa Võ Văn Thưởng tơdah Ngế pro xiâm hnê ngăn kong têa Kŏng hoa Czech pôa Petr Fiala klăng roh lăm pôu pêi cheăng Việt Nam. Pôa Võ Văn Thưởng loi tơngah roh lăm pôu pêi cheăng kô kum kal khât mơdêk tơrŭm cheăng tiô khôi vâi krâ nah ƀă tơrŭm hên tơdroăng pơla Việt Nam ƀă Czech.

Kăn xiâm hnê ngăn tơnêi têa mơnhên, Tơnêi têa ƀă kuăn pơlê Việt Nam đi đo nhuô̆m ƀă pói vâ thăm mơdêk tơrŭm cheăng tiô khôi vâi krâ nah pơla péa tơnêi têa hiăng lối 70 hơnăm tung tâi tâng mâu kơvâ cheăng. Péa pâ môi tuăn thăm tơrŭm krá tơniăn, tŏng kum dêi pó a mâu hneăng hôp tơpui tơno pơla rêm pâ, khu tơrŭm lâp plâi tơnêi têa, ASEM, tung tơrŭm cheăng ASEAN – EU vâ veăng kum ăm hơniâp lĕm, tơrŭm cheăng ƀă mơnhông mơdêk a kơpong ƀă lâp plâi tơnêi.

‘Na tơdroăng gâk kring, tung mê ai Biển Đông, khu râ kăn pơkuâ péa pâ tối rơdêi ki kal thế tơleăng mâu tơxup tơbriât ƀă troăng hơniâp lĕm, tá tơdroăng tơpui kâ ƀă kong têa ê ƀă tiô luât tơtro ƀă luât lâp plâi tơnêi, ki rơhêng vâ tối cho Tơkêa dêi Khu lâp kong têa ‘na Luât têa kơxĭ (UNCLOS 1982.