Kơxo lơ 26/4, a Hà Nội, pôa Võ Văn Thưởng, Kăn xiâm hnê ngăn tơnêi têa veăng Leh tơbâ 60 hơnăm Hâi mơjiâng Khu tơrŭm Tê mơdró ƀă Kơmăi kơmok Việt Nam (VCCI) (27/4/1963-27/4/2023). A rôh leh, pôa Võ Văn Thưởng, Kăn xiâm hnê ngăn tơnêi têa tối nhên, tơkâ luâ 60 hơnăm, VCCI hiăng mơ-eăm pêi klêi mâu hnoăng cheăng châ pơcháu, mơdêk tơdroăng ki kân rơdêi dêi khu mơdró kâ ƀă mâu khu tê mơdró.

Ing mê veăng kum ăm tơdroăng ki mơnhông mơdêk dêi tơnêi têa. Tung la ngiâ ah, kăn xiâm hnê ngăn tơnêi têa pơkâ thế, VCCI ƀă khu mơdró kâ, khu tê mơdró kal bro ivá rơdêi dêi inâi Việt Nam a kong têa ê, mot tơrŭm ƀă kong têa ê ƀlêi chiâng po rơdâ tơrŭm cheăng ƀă mâu kong têa ki tơrŭm cheăng kong têa ê tung tơdroăng ki rơtế ƀă dêi rơpó ƀlêi chiâng.

Rêm khu mơdró kâ athế hlê plĕng nhên hnoăng cheăng tung khu tơrŭm tâi tâng hdroâng mơngế, mơdêk tơdroăng tơrŭm cheăng ƀă kŏng nhân, kuăn pơlê ƀă mâu khu ki rơkê plĕng, xua tơdroăng pơkuâ dêi Đảng xua tơdroăng ki rơhêng vâ kuăn pơlê kro mơdrŏng, tơnêi têa rơdêi, tơniăn krê, hlê plĕng. Kăn xiâm hnê ngăn tơnêi têa pơchân, khu mơdró kâ athế pêi pro tiô luât, đi đo pơkâ ki pơxúa dêi khu mơdró kâ, mâu ngế krê tơtro ƀă tơdroăng ki pơxúa dêi tơnêi têa, pơxúa dêi pơlê pơla.