Pơ’lăng troh leh tơbâ 98 hơnăm Hâi Hlá tơbeăng Kăch măng Việt nam, kơmăng hâi lơ 21/6 a Tíu Mơhno túa lĕm tro Pêi cheăng Tơrŭm pơla Việt - Xô, poâ Võ Văn Thưởng veăng leh, tơbleăng ƀă diâp pri Hlá tơbeăng Tơnêi têa rôh má 17. Pri Hlá tơbeăng Tơnêi têa rôh má 17 ai 1 rơpâu 894 ƀai châ pơtroh tơ’noăng. Tung kơxô̆ 157 ƀai châ tơ’noăng rah má mơ’nui, Khu châm ƀai hiăng rah xo ai 8 pri A, 24 pri B, 46 pri C, 45 pri mơhnhôk.

Mâu ƀai chêh tơ’noăng ai chêh tối tro mâu tơdroăng pơkâ chêh ki kal sap tơdroăng kal kí, cheăng kâ, túa lĕm tro, rêh ối pơlê pơla, ‘na cheăng lêng, ‘na kring gak pơlê pơla ƀă mâu tơdroăng ki ê tung rêh ối, tối tro khâp mâu tơdroăng po leh kân ki kal dêi tơnêi têa tung hơnăm 2022. Tơbleăng a rôh leh, pôa Võ Văn Thưởng, Kăn xiâm hnê ngăn tơnêi têa loi khât, hlá tơbeăng rĕng pêi klêi hnoăng cheăng ki kal tơná, cho khu ki xiâm tung tơdroăng ‘na tuăn tơmiât - túa lĕm tro dêi Đảng, tơxâng ƀă tuăn loi, ki tơngah dêi Đảng, Tơnêi têa ƀă kuăn pơlê, tơxâng ƀă môi tơdroăng chêh hlá tơbeăng hiăng vâ châ 100 hơnăm.