Drêng tơbâ 133 hơnăm hâi kot mâ Pôa Hồ Chí Minh - Kăn xiâm hnê ngăn tơnêi têa ki apoăng, kơxo 19/5, a Hngêi hơdruê kân Hà Nội. Khu xiâm ngăn túa lĕm tro, Tơ’noăng ivá ƀă Ôm hyô tơkŭm po Leh diâp pri Hồ Chí Minh, Pri tơnêi têa ‘na văn học, nghệ thuật.

Ƀă tơdroăng pêi cheăng tá tuăn mơno, pêi tro tơdrăng dêi rêm râ Hô̆i đong, malối cho Hô̆i đong râ Tơnêi têa, ai 27 ƀai chêh, mâu ƀai chêh pâ thế séa ngăn diâp ăm “Pri Hồ Chí Minh” ƀă 144 ƀai chêh, mâu khu ƀai chêh bâ thế séa ngăn diâp ăm “Pri Tơnêi têa” ‘na văn học, nghệ thuật ai tŭm tơdroăng tiô pơkâ pơtroh ăm Ngế pro xiâm hnê ngăn Chin phuh ngăn nếo klêi mê pơtroh ăm Kăn xiâm hnê ngăn tơnêi têa diâp ăm “Pri Hồ Chí Minh”, “Pri Tơnêi têa” ‘na văn học, nghệ thuật hơnăm 2022.  

Klêi séa ngăn ai 16 ngế, khu mâu ngế chêh châ diâp ăm pơxá ăm “Pri Hồ Chí Minh ‘na văn học, nghệ thuật”,  tơbleăng a rôh leh diâp pri, pôa Võ Văn Thưởng,  Kăn xiâm hnê ngăn tơnêi têa khĕn kơdeăn, rơkâu mâu ngế chêh ai ƀai chêh tro, khu ƀai châ diâp Pri Hồ Chí Minh, Pri Tơnêi têa ‘na văn học nghệ thuật nếo, tơdâng ƀă tơdroăng cheăng kăch măng dêi Đảng ƀă Kuăn pơlê pin.