Kơxê hâi lơ 27/4, a Pơlê kong kân Đà Nẵng, pôa Võ Văn Thưởng - Kăn xiâm hnê ngăn tơnêi têa  rơtế ƀă Khu kăn Kuô̆k hô̆i Pơkê kong kân Đà Nẵng trâm mâ kuăn pơlê  mâu pơlê krâm Hải Châu, Sơn Trà, Thanh Khê, hbrâ vâ hôp rôh má 5 , Kuô̆k hô̆i hneăng 15.  Tơpui ‘na tơdroăng hên kuăn pơlê tối tơdroăng kâ kơluâ, Kăn xiâm hnê ngăn tơnêi têa tối, Đảng kô pơtối mơdêk rơdêi tơdroăng hbrâ mơdât kâ kơluâ, khŏm pơxâu kơtăng mâu kăn ƀô̆ kâ kơluâ, pro ôh tá tro ƀă tơdroăng ôh tá ai kơpong ki mơdât.

La ngiâ ai mâu tơdroăng kâ kơluâ ki ê châ tơbleăng tơleăng. A rôh trâm kuăn pơlê, mâu kuăn pơlê xuân tối mâu tơdroăng ki ê môi tiah tối tơdroăng mơnúa mơjiâng mâu kăn kơphô̆ pơlê kong kân Đà Nẵng; tah ki xơpá ăm khu mơdró; kơvâ păn mơnăn ki dế trâm pá xua kơnôm to a mơdrăn chĕm ki rôe ing kong têa  ê; tâk rế hên mâu tơdroăng xôi ‘na kŏng ngê̆ ki dâi lĕm; tơdroăng ki lơ ‘nêk mâu ngế pêi hnoăng cheăng tăng rup rế hlo hên, tơdroăng pâk chik ma tŭi ƀă tơxiăn, tôu pâm tung hngêi trung.

Pôa Nguyễn Văn Quảng, Kăn hnê ngăn Đảng pơlê kong kân, Ngế pơkuâ khu kăn Kuô̆k hô̆i pơlê kong kân Đà Nẵng xuân hiăng tối nhên mâu tơdroăng mê ăm kuăn pơlê.