VOV4.Xơ Đăng - Kơxo lơ 26/9, Vi ƀan kong pơlê Bình Dương Tơkŭm po hneăng hôp tơpui ‘na tơdroăng ‘no liăn cheăng lâp plâi tơnêi (Horasis), Khu tơrŭm cheăng ‘na kơmăi kơmok Ấn Độ, pơxiâm po hneăng hôp tơrŭm cheăng kâ Ấn Độ Horasis 2022  ƀă tơdroăng pơxá “Rơkê plĕng Việt Nam - mâ ngăn tơdroăng cheăng pêi ki nếo”. Veăng hôp ai pôa Vũ Đức Đam, Ngế pro xiâm phŏ hnê ngăn tơnêi têa ƀă mâu khu xiâm, kơvâ cheăng xiâm tơnêi têa. Ing hneăng hôp ƀă 6 rôh hôp tâi tâng ƀă 26 rôh tơpui tơpui tơno, Bình Dương púi vâ kô tăng troăng rơhlâ ki kal, veăng mơnhông mơdêk cheăng kâ Bình Dương.

Pơxiâm po hneăng hôp

Tơpui a leh pơxiâm po, pôa Vũ Đức Đam, Ngế pro xiâm phŏ hnê ngăn tơnêi têa tối kơpong cheăng kâ ki ai liăn ing kong têa ê ‘no cho môi pâ tơdroăng cheăng pêi krúa ki kal dêi tơdroăng cheăng kâ, blêi trâng dêi mâu khu ‘no liăn cheăng dêi kong têa ê xuân cho tơdroăng ki tơƀrê dêi Việt Nam.

Hneăng hôp châ tơkŭm po cho rôh vâ Chin phuh, khu mơdró dêi 2 tơnêi têa Việt Nam - Ấn Độ hnê tối ăm dêi rơpó ‘nâi mâ ngăn mâu tơdroăng vâ pêi tung la ngiâ, tuăn tơmiât vâ pêi, tơdroăng pơkâ tơrŭm cheăng pêi rơtế mơnhông mơdêk.

VOV.VN

Gương tơplôu ƀă tơbleăng