VOV4.Xơ Đăng - Kơxo lơ 30/9, a Hà Nội, Khu xiâm ngăn Khu vâi kơdrâi Việt Nam tơkŭm po Hôp tối mơgêi 2 tơdroăng tơkêa bro dêi Chin phuh pơla hơnăm 2017-2022, mê cho: Tơdroăng tơkêa ‘’Hnê tối, hnê hriâm, mơhnhôk, tŏng kum vâi kơdrâi veăng tơleăng mơnhên mâu tơdroăng rêh ối pơlê pơla tơdjâk troh vâi kơdrâi pơla hơnăm 2017-227” (tơdroăng tơkêa bro 938) ƀă  tơdroăng Tơkêa bro “Tŏng kum vâi kơdrâi pơxiâm pêi cheăng pơla hơnăm 2017-2025” (tơdroăng Tơkêa bro 939). Pôa Vũ Đức Đam ƀă mâu kăn xiâm, khu xiâm, kơvâ cheăng xiâm tơnêi têa troh veăng hôp.

Pôa Vũ Đức Đam, Ngế pro xiâm phŏ hnê ngăn veăng Hôp tối mơgêi 2 tơdroăng tơkêa bro dêi Chin phuh pơla hơnăm 2017-2022

A rôh hôp, kăn teăng mâ mâu kong pơlê, pơlê kong kân hiăng tối tơdroăng cheăng hmâ pêi, túa pêi tơƀrê tung mâu tơdroăng cheăng dêi 2 tơdroăng Tơkêa bro hiăng châ mơjiâng ƀă po rơdâ mê cho “Tơdroăng pêi cheăng krúa- rôe xúa krúa, tơdroăng hbrâ mơdât tơxiăn, tôu pâm tung on veăng rơpŏng hngêi; mâu tơdroăng pơxiâm pêi cheăng châ tơƀrê dêi vâi kơdrâi. Pakĭng mê, pâ thế mâu troăng rơhlâ vâ mơdêk tơbleăng 2 tơdroăng tơkêa pro tro tâ tung la ngiâ.

Pôa Vũ Đức Đam, Ngế pro xiâm hnê ngăn tơnêi têa tối tiah kố, tung pơla xúa kơmăi kơmok vâ tơbleăng ki rơkê troh mâu ngế vâi kơdrâi, rêm râ, rêm khu kal tơmâng troh khu vâi kơdrâi ki xơpá, a kơpong hngế hngo vâ rak tơniăn ăm vâi châ xúa tơdroăng ki rơkê plĕng ‘na hnê mơhno.

VOV/Tơplôu: Gương