Kơxê lơ 28/12, a Hngêi Kuô̆k hô̆i, pôa Vương Đình Huệ, Kăn xiâm hnê ngăn Kuô̆k hô̆i veăng hôp mơgêi tơdroăng cheăng pêi hơnăm 2022, tơbleăng tơdroăng cheăng pêi hơnăm 2023 dêi Đảng bộ, Kŏng đoân Kơ koan Ƀơrô pêi cheăng Kuô̆k hô̆i ƀă Ƀơrô Kuô̆k hô̆i.

Tối tơbleăng a rôh hôp, rêm ngế vâ môi tuăn ƀă troăng rơhlâ, tơdroăng cheăng pêi ƀă ƀơrô Kuô̆k hô̆i hiăng pơkâ, pôa Vương Đình Huệ  pâ thế ƀơrô Kuô̆k hô̆i tơtrŏng 5 tơdroăng, mê cho: kal potối tơbleăng pêi tơƀrê Tơdroăng pêi pro dêi Đảng, khu kăn Kuô̆k hô̆i ƀă Đảng ủy kơ koan ƀă tơdroăng pêi pro tiô pơkâ Hneăng hôp roh má 13 dêi Đảng; pơkuâ hnê pêi tro mâu tơdroăng cheăng hnê kal kí, tuăn mơno; tơdroăng séa ngăn, tí tá ngăn  ƀă pêi pro mơ’no tro luât Đảng; mơdêk tơƀrê tơdroăng hnê tối ƀă mâu kăn mâu khu tơrŭm cheăng khu grup; mơdêk tơbleăng hnê pêi rơhéa mâu pơkâ, tối mơgêi dêi khu Kăn xiâm, Khu xiâm kal kí, Kăn hnê ngăn Đảng ƀă Đảng ủy Khô̆i mâu kơ koan Xiâm tơnêi têa.