VOV4.Xơ Đăng - Kơxê lơ 2/1, a Pơlê kong kân Hồ Chí Minh, pôa Vương Đình Huệ, Kăn xiâm hnê ngăn tơnêi têa hiăng troh lăm pôu ƀă rơkâu Têt rơpŏng pôa Nguyễn Hữu Thọ, Kăn xiâm hnê ngăn Kuô̆k hô̆i hneăng hdrối. Pôa Vương Đình Huệ nhuô̆m chôu nhang tơbâ, pâ mơnê mâu tơdroăng veăng kum kân kĭn dêi pôa Nguyễn Hữu Thọ, Kăn xiâm hnê ngăn Kuô̆k hô̆i hneăng hdrối ƀă tơdroăng pêi cheăng Kăch măng dêi Đảng, tơnêi têa ƀă Kuô̆k hô̆i.

Pôa Vương Đình Huệ pơtroh rơkong rơkâu lĕm tro má môi troh rơpŏng pôa Nguyễn Hữu Thọ, pói vâ rơpŏng pơtối mơnhông mơdêk khôi túa lĕm, veăng kum ăm tơdroăng mơjiâng ƀă gak kring Tơnêi têa, thăm veăng tơpui tung mơjiâng luât dêi Kuô̆k hô̆i. Klăng roh kố, rơpŏng pôa Nguyễn Hữu Thọ hiăng diâp ăm pôa Vương Đình Huệ mâu kơxop mơ-éa chêh tối ‘na tơdroăng pêi cheăng Kăch măng dêi pôa Nguyễn Hữu Thọ.