VOV4.Xơ Đăng - A Hngêi Kuô̆k hô̆i, pôa Vương Đình Huệ, Kăn xiâm hnê ngăn Kuô̆k hô̆i nếo ai roh tơdah Kăn teăng mâ pôu râng tâi tâng hnoăng kong têa Cuba a Việt Nam Orlando Nicolas Hernandez Guillen ƀă Kăn teăng mâ pôu râng tâi tâng hnoăng kong têa Rusi a Việt Nam Gennady Bezdetko, troh koh hmât, tơdah hnoăng cheăng.

Tâi tâng a roh tơdah

Tơdah Kăn teăng mâ kong têa Cuba, pôa Vương Đình Huệ ƀă Kăn teăng tối rơdêi, Việt Nam ƀă Cuba đi đo kum, rơtế, môi tuăn ƀă tŏng kum dêi pó drêng pá puât má môi, rơtế dêi pó drêng trâm tơdroăng phiu ro, mâu tơdroăng châ tơƀrê tung tơdroăng mơjiâng ƀă gak kring Tơnêi têa. Tơdah Kăn teăng mâ kong têa Rusi Gennady Bezdetko, pôa Vương Đình Huệ mơnhên Việt Nam đi đo nhuô̆m tơrŭm cheăng tiô khôi vâi krâ nah ƀă tơrŭm cheăng tŭm têk ƀă kong têa Rusi, pói vâ thăm tơrŭm tâ mê nếo ƀă kong têa Rusi tung tâi tâng mâu kơvâ cheăng, xua hơniâp lĕm, tơniăn, tơrŭm ƀă mơnhông mơdêk tung kơpong ƀă lâp plâi tơnêi.

A Sa Ly tơplôu ƀă tơbleăng