Pôa Vương Đình Huệ, Kăn xiâm hnê ngăn Kuô̆k hô̆i rơkâu kơ pôa Chay Navuth, kăn teăng mâ kong têa Kul hiăng pêi klêi dêi hneăng cheăng a Việt Nam; mơnhên tối khât mâu tơdroăng ki veăng kum dêi pôa Chay Navuth tối krê ƀă dêi Kăn teăng mâ Kul a Việt Nam tối tơdjuôm tung tơdroăng ki mơdêk tơrŭm cheăng tơnêi têa ki a chê tung tâi tâng mâu tơdroăng cheăng Đảng, Tơnêi têa, Chin phuh, Kuô̆k hô̆i ƀă trâ mâ kuăn pơlê.

Kăn xiâm hnê ngăn Kuô̆k hô̆i tối nhên, Kuô̆k hô̆i Vệt Nam, ngế krê kăn xiâm hnê ngăn Kuô̆k hô̆i Việt Nam kô pêi tâi ivá tơná vâ veăng kum mơdêk, ‘mâi mơnhông, mơdêk tơrŭm tơroâ ƀă tơdroăng ki tơrŭm tung tâi tâng pơla péa Đảng, péa Tơnêi têa; tối loi tơngah, maluâ a mâu tơdroăng ki lâi hnoăng cheăng ki lâi, kăn teăng mâ xuân kô pơtối khŏm mơ-eăm mơdêk tâ mê nếo tơrŭm cheăng tơniăn lĕm pơla 2 Đảng, 2 tơnêi têa ăm kuăn pơlê péa tơnêi têa.