VOV4.Xơ Đăng - Kơxo lơ 19/7, pôa Vương Đình Huệ, kăn xiâm hnê ngăn Kuô̆k hô̆i tơdah kăn xiâm pơkuâ ngăn Đảng, kăn xiâm phŏ hnê ngăn tơnêi têa Kŏng hòa Dân chủ Nhân dân Lếo cho pôa Bounthong Chitmany ƀă Khu kăn xiâm Đảng, Tơnêi têa Lếo dế ai rôh lăm pôu ƀă pei cheăng a Việt Nam. Pôa Vương Đình Huệ, kăn xiâm hnê ngăn Kuô̆k hô̆i tối nhên, rơtế ƀă tơdroăng ki péa tơnêi pêi pro kơtăng mâu tơdroăng tơkêa khu râ kăn xiâm pơla péa Đảng, péa tơnêi têa, péa Kuô̆k hô̆i hiăng ai tơkêa tơrŭm cheăng ki nhên.

Pôa Vương Đình Huệ, kăn xiâm hnê ngăn Kuô̆k hô̆i tơdah kăn xiâm phŏ hnê ngăn kong têa Lếo

Tung rôh lăm pôu păng ‘nâng Lếo a khế 5/2022, péa ngế kăn xiâm hnê ngăn Kuô̆k hô̆i péa tơnêi têa hiăng kĭ tơkêa tơrŭm cheăng vâ mơdêk tơrŭm cheăng ƀă tơƀrê pơla péa Kuô̆k hô̆i, veăng kum tơdjuôm tung tơdroăng ki tơbêng, mơnhông tơrŭm cheăng pơla péa Đảng, péa Tơnêi têa ƀă kuăn pơlê péa tơnêi têa.

Pêi pro tơkêa ki nếo kĭ tơkêa, pôa Sommad Pholsena, kăn xiâm phŏ hnê ngăn Kuô̆k hô̆i Lếo hiăng pơkuâ djâ khu kăn xiâm Kuô̆k hô̆i Lếo lăm pôu pêi cheăng a Việt Nam vâ tơpui tơno, hriăn ngăn ki rơkê plĕng, pơkâ mâu tơdroăng ki kal dêi tơnêi têa, malối cho tung kơvâ ‘no liăn cheăng tơdjuôm ƀă rak ngăn tơdroăng cheăng kâ kân.

Gương tơplôu ƀă tơbleăng