VOV4.Xơ Đăng - Kơxê lơ 19/7, a Hngêi Kuô̆k hô̆i, pôa Vương Đình Huệ, Kăn xiâm hnê ngăn Kuô̆k hô̆i tơdah pôa Axel van Trotsenburg, kăn xiâm pơkuâ hngêi rak liăn kong têa ê dó inâi WB, drêng pôa ai rôh lăm pêi dêi hnoăng cheăng a Việt Nam sap ing hâi lơ 17 – 19/7. Pôa Vương Đình Huệ tối nhên, WB đi đo cho tíu tơrŭm cheăng ki kal ƀă loi tơngah hiăng tŏng kum hên khât vâ Việt Nam pêi pro mâu tơdroăng pơkâ mơnhông mơdêk krá tơniăn.

A rôh hôp COP26, Việt Nam hiăng mơ’no tơdroăng tơkêa rơdêi troh hơnăm 2050 ôh tá ai xếo tơdroăng ki mơ’no trếo, hyôh ‘mêi. Kố cho kơlo tơkêa ki tơdâng ƀă kơlo mâu kong têa châu Âu, mơhno tối khŏm mơ-eăm khât ƀă pôu râng dêi hnoăng cheăng dêi Việt Nam ƀă mâu kong têa tung lâp plai tơnêi.

Tâ tá hneăng hôp kăn xiâm hnê ngăn Quốc Hội Vuwng Đình Huệ tơdah Kăn xiâm pơkuâ hngêi rak liăn lâp plâi tơnêi

Kăn xiâm pơkuâ WB ăm ‘nâi, WB hiăng mơdêk tơ’nôm 50% kơxô̆ liăn tơhrâ tơrŭm ƀă mâu kong têa hneăng hơnăm klêi kơ’nâi COVID-19 tâk troh 200 rơtal dollars.

Tơdroăng tŏng kum kố vâ mâu kong têa kâi vâ hbrâ ví mâu tơdroăng ki ôh tá tơniăn, tơdrêng amê hlối ai troăng ngăn ki ton xŏn, tơmiât troh mâu tơdroăng pơkâ mơnhông ki ton xŏn ƀă krá tơniăn.

Katarina Nga tơplôu ƀă tơbleăng