Kơmăng lơ 9/6, a Hà Nội po Leh mơgêi diâp pri hlá tơbeăng tung lâp tơnêi têa ‘na Kuô̆k hô̆i ƀă Hô̆i đong hnê ngăn kuăn pơlê (pơxá inâi Diên Hồng) rôh má môi. Tơbleăng a leh diâp pri, pôa Vương Đình Huệ, Kăn xiâm hnê ngăn Kuô̆k hô̆i tối nhên, môi tung mâu tơdroăng xiâm veăng mơhnhôk ki kân, veăng mơdêk ki rơdêi, ki kân, ki nhoăm dêi Kuô̆k hô̆i ƀă Hô̆i đong hnê ngăn kuăn pơlê tung plâ hên hơnăm hdrối cho hnoăng veăng ‘no tung tŭm tơdroăng, krá kâk, hriĕn plĕng ki nếo dêi hlá tơbeăng tơnêi têa.

Hlá tơbeăng tơnêi têa rế mơhno ki tơxâng cho ngế ki hnê tối tơbleăng pú hên, ngế ki mơhnhôk khu pú hên, ngế ki tơkŭm po pú hên, hlối cho môi bâng tơbleăng tối tŭm tơdroăng ki rơkê hlê plĕng ƀă hnoăng pêi pro ƀă tơnêi têa. Kố cho rôh apoăng pri ki kô châ tơkŭm po, hiăng ai 171 kơ quan hlá tơbeăng tung tơnêi têa ƀă kong têa ê, 7 ƀơrô Khu kăn Kuô̆k hô̆i ƀă Hô̆i đong hnê ngăn kuăn pơlê, ƀă 3.328 ƀai chêh veăng tơ'noăng.

Mâu ƀai veăng tơ’noăng xuân châ ’no liăn hên, tŭm ‘na tơdroăng ki rơkê, hlê plĕng ‘na tơdroăng chêh ki kal, ‘na pơkâ ki kân, hên túa chêh ƀă tơdroăng nếo nôkố ‘na tơdroăng chêh hlá tơbeăng.