VOV4.Xơ Đăng - Pêi pro tiô tơdroăng rôh hôp, hâi lơ 29/9, pôa Vương Đình Huệ, Kăn xiâm hnê ngăn Kuô̆k hô̆i ƀă khu kăn Kuô̆k hô̆i Pơlê kong kân Hải Phòng hiăng trâm kuăn pơlê a tơring Thủy Nguyên, pơlê kong kân Hải Phòng hdrối roh hôp má 4, Kuô̆k hô̆i hneăng 15. A rôh trâm mâ, mâu kuăn pơlê dêi tơring Thủy Nguyên, Pơlê kong kân Hải Phòng tối loi khât, hâk phiu hnoăng pêi cheăng châ mơnhông tơnêi têa; ai kăn hnê ngăn Đảng, Kuô̆k hô̆i, Chin phuh pơkuâ hnê djâ tơkâ luâ xơpá pơloăng mơnúa pơreăng COVID-19 la hiăng hnê mơhno tơnêi têa châ pêi tơƀrê mâu tơdroăng. Kuô̆k hô̆i ai mâu tơdroăng pơkâ teăm tơdrêng, tơtro vâ tah mâu tơdroăng ki xơpá, pơloăng mơnúa dêi kuăn pơlê ƀă Khu mơdró.

Pôa Vương Đình Huệ, Kăn xiâm hnê ngăn Kuô̆k hô̆i trâm mâ kuăn pơlê a pơlê kong kân Hải Phòng

Tiâ tơdroăng kuăn pơlê kơ-êng ‘na tơdroăng khăm pơlât, tung mê, pơkâ thế Kuô̆k hô̆i pơkâ yă pơkeăng, rak tơniăn rôe hdrối pơkeăng vâ bê xúa khăm pơlât, pôa Vương Đình Huệ tối, tung pơla hdrối kố nah, ai hên tơdroăng ôh tá vâ rĕng tơmâng troh tơdroăng mê. Kuô̆k hô̆i, Chin phuh dế hnê mơhno pơkuâ tiô troăng rơhlâ thế rak tơniăn xiâm ăm, ki tơ-brê ƀă yă dêi pơkeăng pơlât.

VOV/Tơplôu: Gương