Pêi pro tơdroăng klêi kơ’nâi hneăng hôp má 5, Kuô̆k hô̆i hneăng 15, hâi lơ 4/7, pôa Vương Đình Huệ, Kăn xiâm hnê ngăn Kuô̆k hô̆i hiăng trâm mâ kuăn pơlê a tơring Vĩnh Bảo, pơlê kong kân Hải Phòng. A rôh trâm mâ kuăn pơlê, mâu kuăn pơlê dêi tơring Vĩnh Bảo tơmâng ngăn khât troh mâu tơdroăng môi tiah: tơdroăng, troăng hơlâ mung liăn; pơkuâ ngăn kơphô̆; túa pơkâ; khăm pơlât; mơhno túa lĕm tro, ôm hyô; ‘na pêi chiâk, kuăn pơlê a thôn pơlê; mâu troăng hơlâ rak vế mơnhông pơlê pêi cheăng khôi hmâ.

Pôa Vương Đình Huệ tối tơbleăng, tung khế 7 kố, Vi ƀan pơkuâ Kuô̆k hô̆i kô pơkâ tơdroăng, Chin phuh, mâu khu xiâm, kơvâ cheăng kong pơlê xuân hiăng mơjiâng túa pơkâ vâ hbrâ rơnáu tơbleăng tơdroăng ki xing xoăng tíu pêi cheăng tung hneăng la ngiâ.

Pôa Vương Đình Huệ, Kăn xiâm hnê ngăn Kuô̆k hô̆i hiăng tơpui nhên mâu tơdroăng ki phá ra phá dêi rơpó ki kuăn pơlê Vĩnh Bảo tối, tơdrêng amê hlối tối rơdêi mâu kơ koan pơkuâ cheăng dêi Kuô̆k hô̆i kô hriăn ngăn, tơmâng xo mâu rơkong tơpui tối dêi kuăn pơlê, pơtroh ăm Kuô̆k hô̆i, Vi ƀan pơkuâ Kuô̆k hô̆i pơkâ; pơtroh mâu kơ koan séa ngăn tơdroăng ki pêi pro tro tiô pơkâ.