Tung rôh lăm pôu kong têa Kŏng hòa Cuba, kơxo hâi lơ 21/4, tiô chôu kong têa, a pơlê kong xiâm La Habana, pôa Maunel Marrero Cruz, Ngế pro xiâm hnê ngăn kong têa Cuba ƀă pôa Vương Đình Huệ, Kăn xiâm hnê ngăn Kuô̆k hô̆i  hiăng veăng Hôp khu Mơdró Việt Nam - Cuba.  

A hneăng hôp, mâu kăn xiâm, kơvâ cheăng péa tơnêi têa ƀă mâu khu mơdró hiăng tơpui tơno ‘na tơmeăm ai hlâu tung tơdroăng tơrŭm cheăng ki péa pâ rơhêng vâ ‘nâi plĕng, ing mê tăng ‘nâi rêm hâi mâu tơdroăng nếo âi ki kal, hlê nhên tâ ‘na luât pơkâ tŏng kum ƀă mâu inâi tơdroăng tơkêa bro tâng pêi pro ki kô mơnhông tơƀrê, pro xiâm vâ tí tăng ngăn, mơhnhôk tế mơdró ƀă ‘no liăn mơjiâng tơmeăm khoăng nếo a Cuba. 

A hneăng hôp, Ngế pro xiâm hnê ngăn kong têa Cuba, Kăn xiâm hnê ngăn Kuô̆k hô̆i Vương Đình Huệ ƀă mâu kăn ki ê hiăng hlo ƀă mâ a roh leh kĭ tung hlá mơ-éa tơhrâ tơrŭm cheăng pơla Khu mơdró dêi péa tơnêi têa tung mâu kơvâ on tơhrik, têa châu, tơmeăm mơjiâng hngêi trăng, ƀă ‘na troăng tơƀai.