VOV4.Xơ Đăng -  Kơxê lơ 29-8, a Hngêi Kuô̆k hô̆i, pôa Vương Đình Huệ, Kăn xiâm hnê ngăn Kuô̆k hô̆i veăng leh diâp Mê dai 40 hơnăm pêi cheăng Đảng. A rôh leh, pôa Vương Đình Huệ hiăng diâp Mê dai 40 hơnăm pêi cheăng Đảng ăm pôa Trần Thanh Mẫn, Kăn xiâm phŏ pơkuâ cheăng Kuô̆k hô̆i, pôa Trần Quang Phương, kăn xiâm phŏ hnê ngăn Kuô̆k hô̆i. 

Pôa Vương Đình Huệ, Kăn xiâm hnê ngăn Kuok hô̆i diâp Mê dai 40 hơnăm cheăng Đảng

Tơbleăng rơkâu 2 ngế hâk ro châ xo Mê dai 40 hơnăm pêi cheăng Đảng, pôa Vương Đình Huệ tối, tơdroăng diâp ăm inâi ki kơnía git dêi Đảng cho vâ mơnê hnoăng pêi ki kâ ki 2 ngế veăng ‘no tung tơdroăng pêi cheăng kăch măng dêi Đảng, dêi hdroâng kuăn mơngế. Mê ôh ti xê to tơdroăng hâk phiu dêi mâu ngế vâi pú mê ối cho tơdroăng hâk ro tơchoâm ƀă mâu khu tơrŭm pơkuâ cheăng Đảng ƀă Đảng ƀô̆ kơ koan Ƀơrô Kuô̆k hô̆i.

Gương tơplôu ƀă tơbleăng