VOV4.Xơ Đăng -.Kơxê lơ 2/8, a Hngêi Kuô̆k hô̆i, pôa Vương Đình Huệ, Kăn xiâm hnê ngăn Kuô̆k hô̆i hiăng tơdah pôa Kim Jung Tai,  Kăn hnê ngăn Viƀan pêi cheăng ton xŏn lâp plâi tơnêi Grup pơkuâ Liăn ngân Hana Hàn Quốc. Pôa Vương Đình Huệ phiu ro pơkâ dêi Hana tung tơdroăng kĭ môi tuăn mơ’no liăn cheăng 35% ai kơxô̆ liăn dêi BSC (pêi pro mơ-éa vâ mơ’no liăn cheăng tơlo liăn cheăng ton xŏn a Kŏng ti tơlo liăn cheăng Chư̆ng khoăn BIDV); tối kố cho pơkâ pêi ki ton xŏn, tơdroăng kố mơhno tơdroăng loi tơngah dêi khu mơ’no liăn cheăng kong têa ê tối tơdjuôm xuân môi tiah tơdroăng pói tơngah cheăng kâ dêi Việt Nam.

Kăn xiâm hnê ngăn Kuô̆k hô̆i mơnhên Kuô̆k hô̆i Việt Nam đi đo hbrâ vâ tơmâng vâ pơtối kêi đeăng luât, troăng hơlâ, pơkâ pêi, pro tơ’lêi hlâu má môi ăm rêm tơdroăng cheăng kâ, khu mơ’no liăn cheăng, tung mê ai mâu khu mơ’no liăn cheăng Hàn Quốc rế hía rế po rơdâ mơ’no liăn cheăng, tê mơdró châ tơƀrê a Việt Nam.

A Sa Ly tơplôu ƀă tơbleă