Tung rôh lăm pôu kong têa Argentina, hâi lơ 27/4 , pôa Vương Đình Huệ, Kăn xiâm hnê ngăn Kuô̆k hô̆i ƀă khu kăn xiâm Kuô̆k hô̆i tơnêi têa pin hiăng veăng tơpui ƀă khu mơdró Việt Nam- Argentina. Tối tơbleăng a hneăng hôp, pôa Vương Đình Huệ tối ‘na tơdroăng mơnhông cheăng kâ, ‘no liăn pêi cheăng a Việt Nam, hlối ăm ‘nâi, Kuô̆k hô̆i ƀă Chin phuh Việt Nam dế pơtối pê klêi luât pơkâ, pro xiâm ‘no liăn cheăng tê mơdró tơ’lêi hlâu má môi ăm mâu khu ‘no liăn cheăng tung tơnêi têa ƀă kong têa ê, tá khu mơdró tơnêi têa ƀă khu mơdró krê, khu mơdró kong têa ê.

Pôa Vương Đình Huệ pơkâ thế péa pâ pơtối pro tơ’lêi hlâu ăm tơdroăng tê mơdró tơmeăm ăm kong têa ê mâu tơmeăm ki ai hên tê ăm kong têa dêi rơpó, mê cho tê ăm kong têa ê ƀă tơmeăm tê ƀă yă tê tơniăn mâu tơmeăm tê cho alâi, prá hiăng têng khăng dêi Santa Fe ƀă 3 to kong pơlê kơpong tơdế kong têa Argentina tối krê ƀa dêi Argentina tối tơdjuôm.

Việt Nam púi vâ 3 to kong pơlê séa ngăn, rôe mâu tơmeăm ki tơƀrê dêi Việt Nam mê cho phái, kơphế, kơxu, tơmeăm hmân ếo pơchoh, kơmăi kơmok tơmeăm điê̆n tưh vâ mơdêk kơxô̆ liăn pêi lo ing tê mơdró pơla péa pâ vâ tơdâng tung tê mơdró.