VOV4.Xơ Đăng - Kơxo lơ  7/10, Khu ngăn kuăn pơlê pêi chiâk deăng pơlê kong kân Hồ Chí Minh tơkŭm ô eăng 28 ngế kuăn pơlê ki pêi cheăng kơhnâ rơkê ai mâu hnoăng veăng ’no tung tơdroăng mơnhông mơdêk pêi chiâk pơlê kong kân, mơjiâng thôn pơlê nếo. Tơdrêng ƀă 28 ngế kuăn pơlê ki pêi chiâk kơhnâ rơkê ƀă 30 tơmeăm pêi lo ing chiâk deăng ki châ ô eăng, khĕn kơdeăn, rôh kố a Pơlê kong kân Hồ Chí Minh ối ai veăng dêi hên ngế kuăn pơlê ki ai tơmeăm pê lo ing châk deăng lĕm tơƀrê, châ tơbleăng troh lâp lu ki pơxúa túa um “Ngế kuăn pơlê pêi chiâk deăng ki nếo’’.

Leh ô eăng 28 ngế kuăn pơlê ki pêi pêi cheăng kơhnâ rơkê

A Tíu mơđah tơbleăng a Hngêi mơhno túa lĕm tro Thanh Niên Pơlê kong kân Hồ Chí Minh ai 124 khu tơbleăng tơmeăm dêi kơvâ cheăng ‘na chiâk deăng kơphô̆, mê cho: Reăng rĭng, bon sai, cây kiểng, kơchâi, kơxêt, tơmeăm pro tâ tung kơxuô, kloăng pơ’leăng hdrê, phon rơvât, tơmeăm xúa vâ pêi tung kơdrum ƀă hên ki ê rơtế ƀă hrĭng tơmeăm pêi lo ing chiâk deăng ki xiâm, tơmeăm OCOP ki tơ ƀrê, hmâ pro lĕm hyôh kong prâi.

VOV/Tơplôu: Gương