VOV4.Xơ Đăng - Ƀơrô Chin phuh tơbleăng Tơbleăng kơxô̆ 253 tối ăm mơgêi dêi pôa Phạm Minh Chính, Ngế pro xiâm hnê ngăn Chin phuh a roh hôp má pái dêi Vi ƀan Tơnêi têa ‘na pơ’lêh pêi cheăng xúa kơmăi kơmok. Tơbleăng mơgêi tối nhên, pơ’lêh pêi cheăng xúa kơmăi kơmok cho tơmeăm ki kal tung mơjiâng tơdroăng cheăng kâ tơniăn krê pêi xêh, ƀă hlối hbrâ xêh, thăm mot tơrŭm lâp plâi tơnêi trâu hơngế, păng ‘nâng, châ tơƀrê. Pơ’lêh nếo kŏng ngê̆, ai hên tíu tê mơdró, mâu tơdroăng mơjiâng pro ăm tơmeăm, kế khoăng, mơdêk ki dâi lĕm tơmeăm vâ kum rak tơniăn ƀă mơnhông mơdêk cheăng kâ – rêh ối pơlê pơla.

Ngế pro xiâm hnê ngăn Chin phuh pơkâ sap ing kố troh tâi hơnăm 2022 ƀă tung la ngiâ, Ngế xiâm pơkuâ mâu Khu xiâm, Ngế xiâm pơkuâ mâu kơ koan râ xiâm, kơ koan ối tung Chin phuh, Kăn hnê ngăn Vi ƀan mâu kong pơlê, pơlê kong kơdrâm ối tung Tơnêi têa thăm pêi pro, hbrâ tâ mê nếo, hnê mơhno krâu khât, tơkŭm po rơdâ, mơjiâng tơdroăng pêi, troăng pêi, xing xoăng mơngế pêi cheăng, pêi pro mâu hnoăng cheăng pơ’lêh xúa kơmăi kơmok tung pêi cheăng dêi khu xiâm, kơ koan, kong pơlê.

A Sa Ly tơplôu ƀă tơbleăng