VOV4.Xơ Đăng - Kơxo lơ 13/10, Hneăng hôp Đoân Droh rơtăm Kŏng san Hồ Chí Minh kong pơlê Gia Lai roh má XV, hneăng hơnăm 2022 – 2027 pơxiâm po veăng amê ai 250 ngế kăn teăng mâ, teăng mâ ăm lối 370 rơpâu ngế kăn ƀô̆ đoân viên dêi kong pơlê. Ƀă dó inâi pêi pro ‘’Rŭm môi tuăn – djâ troăng ahdrối – ƀeăn ƀĕng – Tơmiât pêi rơkê – Hâk vâ châ tơƀrê’’, Hneăng hôp pơkâ mơ’no 13 túa pơkâ pêi xiâm tung hneăng hơnăm 2022 – 2027.

Pơxiâm po Hneăng hôp kăn teăng mâ Đoân Droh rơtăm Kŏng san Hồ Chí Minh kong pơlê Gia Lai roh má XV

Môi tung mâu tơdroăng xiâm cho pêi pro châ tơƀrê mâu troăng pêi, troăng kum, tŏng kum droh rơtăm ki ôh tá ai ivá; pơtối pêi pro tro mâu tơdroăng tŏng kum mơngế pá puât, pleăng hnoăng cheăng a pơlê pơla vâ kum tung tơdroăng xăm kơklêa kơdroh kơtiê ƀă mơjiâng thôn pơlê nếo a kong pơlê. Ngoh Lê Trọng Phúc, Kăn cheăng tung Khu pơkuâ cheăng Đoân Droh rơtăm kong pơlê Gia Lai, Kăn pơkuâ hnê ngăn Đoân tơring Đức Cơ pói vâ, hneăng hôp kô kum ăm tơdroăng pêi cheăng Đoân châ tiô tơdroăng pói vâ dêi đoân viên droh rơtăm tung hneăng nếo.

VOV Tây Nguyên/Tơplôu: A Sa Ly