Ki má môi tung hơnăm 2022, Măt trâ̆n Tơnêi têa hiăng mơhnhôk, tơkŭm mâu râ kuăn pơlê; thăm rak tơniăn, thăm pêi pro rơdêi, mơnhông mơdêk ivá ó rơdêi rŭm môi tuăn tâi tâng hdroâng mơngế, mơjiâng ƀă gâk kring Tơnêi têa Việt Nam xah hô̆i chuh ngiah.

Tơdroăng ‘nâi ƀă tơpui tối tơdroăng kuăn pơlê, đoân viên, hô̆i viên pơtối châ tơmâng pêi pro tro, ing hên troăng pêi; pơkâ tah lôi mâu tơdroăng pá puât, tơvâ tơvân. Vi ƀan Măt trâ̆n Tơnêi têa Việt Nam mâu râ hiăng kơbông krếo, tŏng kum liăn ‘’Kum mơngế kơtiê’’ ƀă tŏng kum vâi krâ kuăn pơlê tung tơnêi têa tro tơdjâk xua kong prâi pro ôh tá tơniăn, kong mêi khía mơhot; veăng tơlo liăn ăm tơdroăng hbrâ, mơdât pơreăng COVID-19.

A hneăng hôp mâu kăn teăng mâ môi tuăn tơdroăng pêi hơnăm 2023, khu râ kăn pêi cheăng Măt trâ̆n Tơnêi têa Việt Nam tơkŭm pêi pro, mơdêk tơdroăng châ tơƀrê tung séa ngăn ƀă tiâ tối pơlê pơla; po rơdâ pêi pro mâu tơdroăng séa ngăn râ lâp tơnêi têa; tơkŭm po tiâ tối pơlê pơla ƀă tơdroăng tơkêa bro luât, mơ-éa pơkâ ‘na luât tiô tơdroăng mơjiâng luât, luât hơnăm 2023.